Кубаныч Сатаев - Эне тил

Эне тилсиз эр болбойт,

Эр сүйбөгөн жер болбойт.

Эне тилин билбеген,

Эч нерседен тең болбойт.

Элин-жерин сыйлаган,

Эч нерседен кем болбойт.



Кайырма:

Дилим, дитим кыргызым,

Кыргыз – күйгөн жылдызым.

Дүңгүрөткөн дүйнөнү,

Эне тилин туу кылган,

Кыргыз уулу Чыңгызым.

Өскүн-өнгүн, элим-жерим,

Менин кыргызым, кыргызым ай,

Жылдызым…



Ар улуттун ар дайым,

Эне тили апасы.

Эне тилде берилет,

Ар бир элдин батасы.